Paroles

Al bòrd d’una ribièra d’argent

Una bèla plora son torment

E cada jorn espèra

Dins lo mormolh del vent

Ausir un refreniment

 

Es sus aquèla riba qu’un sèr

Li balhèt un bèl anèl d’espèr

Partiguèt a la guerra

Per desliurar sa Terra

Sul còp negrejèt lo cèl

 

Canta lauseta

Lo cant d’amor

Canta d’aquί al jorn

Del retorn

 

Dempuèi que lo malastre tombèt

Sentίs pas la calor del solelh

E l’èrba a la malandra

Ausίs pas mai l’aucèl

E fòrça long es lo temps

 

Fa tres còps que la nèu pels torrents se’n anèt

Que la missara s’endormiguèt

Fa tres còps que l’ironda a prima se’n tornèt

Tres còps que la fuèlha mòrta tombèt

 

Canta lauseta

Lo cant d’amor

Canta d’aquί al jorn

Del retorn

 

Ont es a n’ aquesta ora

Ont mèna son fièr destrièr

Vers quals camins de mòrt

Dels falses cavalièrs

E la lei de l’espada

E lo fuòc e lo sang

E totjorn lo crit de l’enfant

 

Per sègas o  per vendémias

Qui sap quand tornarà ?

A prima redolenta

Quand la prada reverdirà

Al temps de vinha coirada

O benlèu al frèg de genièr

O quand florirà lo garrabièr

     

Canta lauseta

Lo cant d’amor

Canta d’aquί al jorn

Del retorn

 

Al bòrd d’una ribièra d’argent

Una bèla al còr en torment

Jorn après jorn espèra

Dins lo mormolh del vent

Ausir un refreniment

 

Ausir un refreniment