Paroles

Per faire ton trabalh siàs totjorn lo darrièr
Mosegas lo factor, daissas dintrar l'uissièr
Sala bèstia !
Sala bèstia !

Passas la jornada espatarrat suls coissins
Manjas coma quatre e som en deficit
Sala bèstia !
Sala bèstia !

siàs bon qu'a perseguir lo paure gat del vesin
Que se fòt de tu quand bufas coma un topin
Paura bèstia !
Paura bèstia !

A la caça tanben siàs pas tròp desgordit
Sentisses las flors mas lèvas pas un lapin
Paura bèstia !
Paura bèstia !

Mas, sens tu brave gos
Ieu som malurós
La vida a pas de gost

Mai, se siàs caparrut
Un pauc tròp testut
Ieu te vau dire quicòm
T'aimi

Te cal totjorn sortir per anar pissar un còp
Fas que quatre gotas, atendi coma un piòt
Sala bèstia !
Sala bèstia !

Te cal totjorn trapar quicòm a rosegar
Ai pas mai de grolas, tot es bon a chapar
Sala bèstia !
Sala bèstia !

Quand m'envii en l'aire ambe la Suzy
Japas al pè dal lèit, pòdi pas me'n sortir
Sala bèstia !
Sala bèstia !

Auriàs poscut èsser al mens un gos policièr
Coma Rintintin ambe un bon pedigree
Paura bèstia !
Paura bèstia !

Mas, sens tu brave gos
Ieu som malurós
La vida a pas de gost

Mai, se siàs un bastard
Ara es tròp tard
Tu siàs un bon « copin »
T'aimi

Colca-te, leva-te, cala-te
E balha-me la pata
Ramena la ba-bala

Botjes pas, ronques pas, japes pas
Ven aqui t'amusar
Brave gos a son papà

Allez Bobby, solo !