Paroles
Soi occitan
Occitan
Escota-me te disi soi occitan
Te cal pas contestar que soi occitan
Soi nascut e demorarai occitan
Aquò’s vertat mas
Se me creses pas hé
Traparàs quicòm sul nas
Occitan
Breçat entre lo cèrç e lo vent d’autan
Ai l'accent de mon bèl païs occitan
Te trufes pas de ieu que soi occitan
Ieu parli pas ponchut mas
Se t'agrada pas hé
Traparàs quicòm sul nas
Coneissi un manat de contes
E d’istòrias de las bonas
Totis los cants de Trenet et de Mistral
Que nos pòrta lo vent terral
Occitan
Sabi tirar las bòlas e mai puntar
Per ganhar lo pastis e lo glopejar
A l’ombra dels platanièrs e tot va plan
Aquò’s la bèla vida mas
Se comprenes pas hé
Traparàs quicòm sul nas
Aimi l’oliu e la figa
Las sentors de la garriga
Lo cant del rossinholet a solelh colc
Plan escondut dins un pinhièr
Còr entre mar e montanha
Dins un païs de cocanha
Ont la vinha escalabra los costals
Del vin novèl al caud solelh
Occitan
Ai l'anma catara soi occitan
Aimi la libertat la vòli cantar
Es pas nascut lo que poirà m’engabiar
Me dison romegaire
S’aquò te va pas
Traparàs quicòm sul nas
Amb las filhas enjaulaire
Incorregible flataire
Soi Bernat de Ventador lo trobador
De la fin’amor jos un balcon
Occitan
Escota-me te disi soi occitan
Te cal pas contestar que soi occitan
Soi nascut e demorarai occitan
E aital finirai mas
Se me creses pas hé
Traparàs quicòm sul nas
Se me creses pas hé
Traparàs quicòm sul nas